龔嘉欣露小蠻腰吸睛

（星島日報報道）龔嘉欣（Katy）在TVB新劇《新四十二章》中，化身「山寨版」韓團BLACKPINK成員Lisa大跳K-Pop，希望冧倒劇中對手陳豪為其手上筆記解謎。原來現實中嘉欣是舞林高手，不過她謙稱跳舞戲分對她來說並不簡單，難度竟因為拍檔是陳豪（阿Mo）。
今次嘉欣在劇中有長達半分鐘的K-Pop Solo演出，原來她曾學習西方民族舞五年，連踢躂舞、拉丁舞等也難不到她，不過她受訪時謙稱跳舞戲分對她來說並不簡單，難度反而是來自拍檔阿Mo身上，嘉欣笑言：「我覺得跳舞難過打戲，始終平時都比較少接觸呢類型嘅舞，拍攝前都有練習，要跳得好睇係好難，同場忍笑都好難，因為阿Mo實在太搞笑，佢嘅反應好有喜感。」
鄺潔楹巨型爆炸頭搶鏡
網民上星期千呼萬喚的鄺潔楹（Judy）亦終於登場，她飾演「炒股12成員」翰叔的孫女，以「巨無霸」級的爆炸頭現身，她笑言造型全是監製Joe的主意，並笑指與她心目中有很大出入，每次花近兩個半小時搞造型，「我個角色原型係溫柔啲，一去到化妝間知道個爆炸頭係我嘅，我真係呆咗，冇諗過佢哋會將咁大嘅頭髮擺喺我度。第一次試呢個髮型都成個半鐘，好擔心係咪每次都咁耐。」她笑指爆炸頭令她很遴迍，試過勾到道具和威吔綫。