內疚連累對方 龔嘉欣否認戀日籍男

（星島日報報道）龔嘉欣昨日出席新劇《新四十二章》宣傳，近日她與日藉甜品師松岡哲也傳緋聞，被問元宵着心形服裝現身，是否有事宣布？嘉欣表示難得有劇出、着靚點，但沒喜事宣布，又指報道出街後電話被轟炸，覺得好驚，晚上亦沒有約人，至於是否正學日文？她說：「唔係，學好啲英文先，日文未有計畫學。（怕戀情見光死？）始終對方係圈外人，而報道無論邊part都好，都唔係事實，我都唔好意思連累咗佢。」
嘉欣指與對方工作時會見面、不用太出奇，又解釋當日是受陳凱琳（Grace）邀請，Grace貼出影片前也有問過她，覺得是開心事便答應，不料搞出誤會，知道大家很着緊她，會將祝福全部收起：「到結婚嘅時候大家再祝福我！」嘉欣又坦言到結婚前都不會承認所有戀情，笑指現在的情人是Grace大仔Rafael。