陳奕迅好想攬錫熱情歌迷

（星島日報報道）陳奕迅紅館演唱會第十五場因全場觀眾想聽《浮誇》，日前已唱過同一首歌的Eason盛情難卻而「屈服」，唱出第二段，但觀眾未及反應，Eason便笑道：「你睇你哋，冇乜反應。」觀眾即熱烈歡呼，Eason續稱：「我人生第一個騷，係香港會議展覽中心，當年連自己歌都未有，上台唱我偶像張學友嘅《望月》。一路唱一路唱，台下一路喺度十五、二十，因為『春茗』。我仲記得我唱完之後返後台好嬲，發誓以後要好聽到佢哋個膀胱爆都唔去廁所！」
完騷時Eason向觀眾鞠躬說︰「依家最慘係咩？係當大家咁熱情時，我冇得攬、冇得錫，希望2023年補返畀大家，喺街、餐廳、車，見到就攬，我哋好需要肉體上愛撫！」並送多個飛吻。