Eason拆禮物日驚喜唱《浮誇》

（星島日報報道）陳奕迅（Eason）前晚Boxing Day舉行第14晚紅館演唱會，他在Talk位被觀眾熱情打動，即場清唱《浮誇》，觀眾收到Eason的Boxing Day大禮，開心得嗌爆紅館。到安歌環節，Eason選唱《還有甚麼可以送給你》，觀眾再次不肯離場，尖叫了長達15分鐘，Eason終於再度出場，再送多首《沙龍》給大家，觀眾在聖誕假期滿載而歸。
前晚周秀娜、ERROR的193及肥仔、湯令山及女友Moon等捧場，肥仔在快歌環節非常投入跟Eason狂跳，幾乎即場已學齊Eason的《重口味》及《打得火熱》所有舞步。而193則怕自己太高會遮住後面觀眾的視綫，所以一直忍住不敢起身一齊跳。有份睇騷的JW昨日在社交網上載自己在完場後跑返入紅館的片段，笑言：「我真係未試過演唱會完場後咁樣跑返入去。好正！」