Edan廁所晒肌自拍賀票房破千萬

（星島日報報道）由呂爵安（Edan）、盧瀚霆、毛舜筠、謝君豪、袁澧林等合演的電影《過時．過節》，上映第三周累積票房已衝破一千萬元，前日Edan在社交網大派福利，分享了在廁所拍下的照片，大晒麒麟臂：「過時過節1,000萬了！決定po吓阿陽（他在電影中角色）學生時期嘅MK圖畀大家睇下，知道大家見到呢兩張相會有好多疑問，等我一一為大家解答。首先，唔好問我點解阿陽要喺廁所同個尿兜影相，我唔知，不過啲學生哥心智未成熟係會做傻事嘅。第二，大家肯定會好好奇，點解阿陽中學就手瓜起𦟌，不過千祈唔好問佢啲肌肉仲喺唔喺到，因為冇晒，thanks！」
謝君豪原定昨日與跟Edan及毛姐出席見面場，可惜前天他在社交網宣布確診而未能現身。此外，陳茵媺近日亦確診，需要停工休息，她選擇不回家住以免感染到孩子們。