麥沛東曾月入二千 慶幸女友唔怕捱

（星島日報報道）由翁子光監製、新晉導演何爵天執導，楊偉倫、麥沛東主演的電影《正義迴廊》叫好叫座，票房已經衝破2,500萬元大關，近日更被網民稱為「不能錯過的港產片」。飾演謝顯宗（楊偉倫）友人唐文奇的麥沛東，劇中一句對白「屈我啦！屈我啦！我冇問題㗎我！」更加hit爆網絡世界，大量meme圖湧現社交平台，情況近年實屬罕見！日前麥沛東接受《星島頭條》的訪問，解構一些關於電影鮮為人知的事。
麥沛東笑言現實生活中有很多人見到他都會說，但令人難忘的，又豈止得這一幕，鯨吞「咖啡飯」以及三料自殺那場戲，同樣令人一看難忘，沛東坦言拍這兩場戲確實相當辛苦：「三料自殺嗰場戲本來仲有一段對白，不過𠵱家電影刪咗，對我嚟講嗰場戲係比較難，只係得四句對白去交代，嗰度都用咗一啲時間去拍。」「咖啡飯」那場，麥沛東坦言自己真係有食：「係無限量供應，我拍咗三、四個take，每次拎上手就食，最後食到導演都同我講，你真係唔好真食喇！」沛東今次的電影搏到盡，但並非為獎項，反而希望電影可以得到更加多人認同，票房成績好，自然有望再開戲：「佢哋未睇過我演出，但係又咁信我，所以我係冇睇過價錢就接，唔好講錢喇！」
曾因經濟問題不敢結婚
為理想而奮鬥，當然是幸福不過的事，但現實歸現實，生活總需要錢，做演員搵錢難，做舞台劇演員搵錢更加難！下月小登科的沛東亦坦言曾經因為經濟問題而不敢結婚：「我係想做到能夠照顧到另一半，唔止係心理，而係喺經濟上、生活上令到佢唔好咁擔憂。劇場係比較小眾，一個演出唔係賺好多，可能只係賺到一個月嘅糧，係一定唔夠兩個人用。」經濟最差的時候，麥東試過一個月得2、3000蚊，甚至試過成個月都沒有開過工。幸好麥東的女友「唔怕捱」，願意全力支持男友追夢：「我女朋友係喺大學度做，嗰陣時佢嘅收入係可觀同穩定過我，佢就話唔緊要，同我講話如果我唔得，咪佢頂住先囉。」