麦沛东曾月入二千 庆幸女友唔怕捱

（星岛日报报道）由翁子光监制、新晋导演何爵天执导，杨伟伦、麦沛东主演的电影《正义回廊》叫好叫座，票房已经冲破2,500万元大关，近日更被网民称为「不能错过的港产片」。饰演谢显宗（杨伟伦）友人唐文奇的麦沛东，剧中一句对白「屈我啦！屈我啦！我冇问题㗎我！」更加hit爆网络世界，大量meme图涌现社交平台，情况近年实属罕见！日前麦沛东接受《星岛头条》的访问，解构一些关于电影鲜为人知的事。
麦沛东笑言现实生活中有很多人见到他都会说，但令人难忘的，又岂止得这一幕，鲸吞「咖啡饭」以及三料自杀那场戏，同样令人一看难忘，沛东坦言拍这两场戏确实相当辛苦：「三料自杀嗰场戏本来仲有一段对白，不过𠵱家电影删咗，对我嚟讲嗰场戏系比较难，只系得四句对白去交代，嗰度都用咗一啲时间去拍。」「咖啡饭」那场，麦沛东坦言自己真系有食：「系无限量供应，我拍咗三、四个take，每次拎上手就食，最后食到导演都同我讲，你真系唔好真食喇！」沛东今次的电影搏到尽，但并非为奖项，反而希望电影可以得到更加多人认同，票房成绩好，自然有望再开戏：「佢哋未睇过我演出，但系又咁信我，所以我系冇睇过价钱就接，唔好讲钱喇！」
曾因经济问题不敢结婚
为理想而奋斗，当然是幸福不过的事，但现实归现实，生活总需要钱，做演员搵钱难，做舞台剧演员搵钱更加难！下月小登科的沛东亦坦言曾经因为经济问题而不敢结婚：「我系想做到能够照顾到另一半，唔止系心理，而系喺经济上、生活上令到佢唔好咁担忧。剧场系比较小众，一个演出唔系赚好多，可能只系赚到一个月嘅粮，系一定唔够两个人用。」经济最差的时候，麦东试过一个月得2、3000蚊，甚至试过成个月都没有开过工。幸好麦东的女友「唔怕捱」，愿意全力支持男友追梦：「我女朋友系喺大学度做，嗰阵时佢嘅收入系可观同稳定过我，佢就话唔紧要，同我讲话如果我唔得，咪佢顶住先罗。」