宣萱讚ERROR轉數快 合作有壓力

（星島日報報道）ERROR、姜皓文（黑哥）、宣萱及張慧儀等昨日出席ViuTV新劇《極度俏郎君》開鏡拜神，保錡大讚宣萱靚女，卻被193踢爆他都鍾意看張慧儀的性感電影，保錡直言見到慧儀姐會緊張，但加咀戲則未有心理準備。宣萱首次與ERROR合作，知ERROR轉數好快而感到壓力。
劇中飾演「四大金光」的ERROR以古惑仔造型示人，成員肥仔（梁業）表示今次「自肥」演出，笑言內心很多打鬥場面只是沒機會拍出來，因預算問題，其餘3人即喝他說：「你講咩呀？我哋好多Budget，係肥仔冇！」對於今次跟宣萱與姜皓文合作，Dee透露原來宣萱有追看《ERROR自爆96小時》更睇到喊，令他很意外。保錡則自爆見到宣萱時，忍不住跟她說「你好靚！」193隨即踢爆保錡喜歡張慧儀，經常看她以前的性感電影，保錡直言見到慧儀姐會緊張，問到會否加咀戲？保錡笑言：「我心理上未準備好，同男人我就準備好晒！」193則指自己在劇中跟一個女角色有咀戲。至於是否夠膽在一眾前輩面前爆肚，肥仔說：「有啊，我哋好多後生仔Gag，佢哋唔明，我哋就解釋，佢哋都會一齊同我哋夾。」
忙拍劇無暇綵排演唱會
早前張繼聰在明星籃球賽指193的最後一球犯規，193昨日說：「嗰球我係犯咗規，但犯規都係比賽一部分，球證唔吹即係比賽繼續。」對於阿聰稱要在其頭頂入樽，193說：「冇可能啦，雖然佢係一個好勤力好自律嘅人，但入樽，佢高度爭少少。」下月開演唱會，ERROR不清楚何時售票，等公司公布，問到拍劇太忙會否沒時間綵排？他們搞笑說：「一日24小時我哋用晒嚟拍劇，直情係唔使綵排，直接上台！」
黑哥與宣萱表示合作很開心更每天都不想收工。談到看ERROR的節目而喊，宣萱直認不諱，她欣賞他們的勤力和有心想轉變一些事，笑指保錡是她拍劇以來遇過最多說話的對手，拍攝前更壓力不少，因知道ERROR腦袋轉得很快，今次亦是她首次與張慧儀合作。黑哥亦大讚他們勤力，一邊拍戲一邊準備演唱會，笑指保錡的樣貌及動靜很像他細佬。宣萱強調並無對撼TVB的想法。黑哥因檔期未能參演TVB台慶劇《下流上車族》，他指可能緣分未到，讚林敏驄演得好。張慧儀首次跟ERROR合作，未拍對手戲已覺得他們可愛，拭目以待他們開工的表現。
黎彼得拒重返TVB開工
今年初「通波仔」的黎彼得（Peter）昨日精神不俗，他表示身體已回復正常，不會特別要求劇組遷就。問他是否仍會拍TVB劇？他即說：「佢（TVB）都冇搵我開工！」又指仍有一年TVB兼職合約，可以兩邊走。他透露出院後，曾勵珍沒聯絡他，問會否覺得心灰意冷？他說：「冇乜所謂，你情我願。人情不嬲都冷暖㗎啦，由佢啦！自己暖就得。」但他稱若TVB找他拍劇也不願：「兩組捱更抵夜，年紀大頂唔住，呢啲錢唔係我搵，搵咗都唔夠醫藥費。」有傳獲劉鑾雄幫忙墊支手術費，Peter哥指對方低調，所以不想多提，至於有份幫他的黃宗澤就一直有聯絡，早前更到對方的餐廳食飯。