容祖兒七地巡唱終展開 首站大馬熱力四射

（星島日報報道）樂壇天后容祖兒原定2020年啟動《Pretty Crazy演唱會》巡演，因疫情暫緩計畫兩年，隨着近日各地逐漸開放，祖兒終於再踏上舞台，重新啟航更唱盡馬來西亞、溫哥華、加拿大、大西洋城、拉斯維加斯及雷諾七地，觀眾反應熱烈，一再安歌，祖兒踏上舞台即充滿力量，最後唱多三首才完場。
容祖兒巡演七地門票早已爆滿，首站大馬，祖媽跟乖女祖兒一同出發，祖兒見久未陪媽咪旅行，於是在雲頂演出前，先暢遊吉隆坡品嘗美食，祖兒笑言：「諗住咁耐冇去，都未必有人認得我啦，點知最後結果係，冇人唔認得我。哈哈……我係咪好傻？」
雲頂的觀眾更熱情得令祖兒感動萬分，她在台上眼濕濕說：「終於來到馬來西亞！好開心！呢一日期待咗好耐啦！有冇現場觀眾，2020年3月21號本來要來？等到今日？」聽到全場舉手歡呼，祖兒續稱：「我心情真係非常興奮，等咗兩年有多，呢兩年大家有咩變化，肥咗？有咗？哈哈！我冇乜點變，係咪？我彈琴練來練去嗰隻歌，哈哈！我堅守住呀！一定要彈返畀大家聽。」
珍惜再踏舞台
祖兒又謂，一個月前開始為巡演排舞、運動修身、彈琴練歌，所有回憶都回來，在疫情期間，每當夜闌人靜、孤單寂寞時，她都靠過去的回憶跟自己講「我要努力，堅持！幾年後一樣可以有一個好騷畀大家睇！」此願望今日終於實現，祖兒不禁謂：「呢一次世界最遙遠的距離，令我好珍惜今次重逢，等我望清楚大家嘅面容，你哋都辛苦啦！呢段漫長日子，每個人都咬實牙關度過，各人生活總遇上難關……所以我想送呢首新歌畀大家：《辛苦你了》！」
祖兒在台上施展渾身解數，熱力四射，台下觀眾反應太熱烈，安歌又安歌，最後祖兒唱多了三首歌才完場，她坦言舞台是一個讓她極速「充電」的地方，上台後整個人都充滿力量：「我有時會覺得自己落台後就一無是處。我真係好需要舞台、掌聲同大家鼓勵，第一場觀眾已令我充滿力量，歡呼聲、燈海，感覺返晒來，仲即刻有力量開始同演唱會總監馮貽柏研究新嘅騷！」