林敏驄獲粉絲撐當視帝已覺贏晒

（星島日報報道）林敏驄、江美儀、鮑起靜、郭柏妍及羅毓儀（Yuki）等昨日到葵芳為台慶劇《下流上車族》宣傳，吸引了超過200市民圍觀，現場更有人大叫「撐車總做視帝」，而美儀的父母及家人更專誠來捧場。
由於劇情講到阿驄與美儀嗌離婚，當阿驄被問到兩公婆會否和好，他即搞笑：「埋咗口啦！」對於該劇最高收視有26.8點撼贏獎門人，問阿驄是否有打電話給總經理曾志偉叫他裸跑找數？他笑說：「講笑啫！唔好咁認真，冇搵佢，反而打風第二朝佢一早傳短訊嚟報喜訊（有冇提佢找數？）冇呀！做人厚道啲，費事得罪人，驚佢嬲。」對於fans力撐他成為視帝，阿驄笑說：「咁咪當贏咗囉！使咗好多錢㗎！輸人唔輸陣嘛！阿婆都整兩個嚟。」黑絲代表美儀笑指，真的要「封腿」，又指已將最後一次獻給阿驄。
有指鮑姐在拍攝時從不看play back，她解釋因為只得10日時間拍攝，加上場地狹窄及天氣悶熱，故希望能盡快完成收工。