謝安琪猛升Key 方皓玟被考起

（星島日報報道）謝安琪（Kay）和方皓玟（Charmaine，小明）將於13及14日聯手在亞洲國際博覽館開騷，更宣布尾場（14日）推出網上直播，連繫身處海外的聽眾。Kay和Charmaine早前透露音樂會上有對唱、互唱及獨唱環節，近日密鑼緊鼓籌備，Charmaine不諱言被Kay的歌曲考起：「佢啲歌好難唱，而且每一段歌詞都唔同，所以有好多歌詞要記。到時會唔會有提詞機㗎？我唔知自己挑唔挑戰到啊！」而Kay也特地化身「謝升Key」：「因為我哋嘅音域好唔同，唱佢嘅歌我要升三度半先唱到！」問到她們最希望對方演唱自己哪首歌曲，Charmaine毫不猶豫選擇《異流》：「《異流》係我加入獨立公司後嘅第一首歌、亦都係我第一首獲得普遍認同嘅作品，每一次聽到呢首歌我都會喊！」Kay則希望對方透過《年度之歌》訴說歌者心聲：「我得到呢首歌嘅時候，入行資歷尚淺，錄音當下仍未領略到歌曲裏嘅景致、人生嘅高低起跌；但係到咗而家，每一次唱都會好觸動，我都好想聽到小明唱，可能我都會喊。」