周嘉洛犧牲色相 為新劇全裸露股

2022-08-04 00:00
原來嘉洛初初有穿肉色褲打底,但最後都剝光豬,非常敬業。
原來嘉洛初初有穿肉色褲打底,但最後都剝光豬,非常敬業。

(星島日報報道)由周嘉洛、陳瀅、王灝兒(JW)、朱敏瀚及張頴康主演的TVB劇集《痞子殿下》正在熱播,當中周嘉洛更在第二集有突破性演出!一秒間犧牲色相全裸露股,網友驚訝留言問:「係唔係真身?」
劇情講到張頴康飾演的范壯龍打算偷睇陳瀅飾演的納克溫柔沖涼,但正在洗白白的其實是周嘉洛飾演的紀威,他即時企起身鬧爆張頴康淫賊,豈料張頴康反過來威脅嘉洛說:「你知唔知每個男人心裏面都有座山㗎?係斷背山呀!」嘉洛於該場口犧牲色相全裸露股,短短一秒已令網友大為驚艷,留言:「係唔係真身呀?」 
二話不說剝光豬
劇集監製Andy透露嘉洛拍攝相關場口時原本有着肉色褲打底,但為了出來的效果更好,Andy建議嘉洛全裸上陣,而嘉洛亦二話不說答OK,獲Andy大讚專業。問到為何如此爽快答應「剝褲」,嘉洛受訪時回應謂:「都係為咗效果,對我嚟講無傷大雅。」嘉洛補充指當時更臨急臨忙做安全措施:「監製同我一齊去㗎,主要用牛皮膠紙黐住敏感位置。」問到搣膠紙時會否好痛?嘉洛笑謂:「都唔會痛,因為一浸落水度啲膠紙就會甩,反而係起身時驚穿崩,好彩前面得張頴康一個,佢見到膠紙就甩都擰轉面,好似仲講咗句:『我唔想睇,唔好逼我!』」 
此外,該集另一亮點是張頴康、朱敏瀚、陳瀅及JW聯手設局嚇周嘉洛,意圖喚醒其失去的記憶;該場戲可說是嘉洛的Solo演出,一輪嘴式重組案情揭穿眾人詭計喜感及節奏感十足,據知嘉洛為了令該場戲變得更豐富立體,更與監製Andy齊齊研究對白、最終度多了半頁紙,相當認真。

關鍵字

最新回應

相關新聞

Edan「鬧爆」Stanley

2022-04-01 00:00:00

被愛女瞞婚 大S媽震怒

2022-03-09 00:00:00

熱門文章