MIRROR孖ERROR海外揀蟀 要才華唔要靚仔

（星島日報報道）人氣選秀節目《全民造星》系列已經來到第5季，黃慧君（花姐）昨日在招募記者會上表示，今年增設海外招募，並派出MIRROR正副隊長楊樂文和江𤒹生到溫哥華、以及肥仔和阿Dee到吉隆坡一個星期揀蟀。    
黃慧君（花姐）聯同ERROR成員梁業（肥仔）和何啟華（阿Dee）昨日出席《全民造星V》招募記者會，宣布今年增設海外招募，並派出MIRROR正副隊長楊樂文和江𤒹生到溫哥華、以及肥仔和阿Dee到吉隆坡一個星期，除出任評審、亦會以真人騷拍製節目。作為監製的花姐表示，節目一直的宗旨是為香港人帶來振奮與希望，而多年來節目培育出多位明星，亦會視之為自己的成就。
首選有才華的人
現場播出肥仔和阿Dee於4年前的參賽照與現在的真人做對比，花姐取笑肥仔當年後生好多、阿Dee就瘦好多，又坦言當年簽二人時有反對聲音，但現在證明二人是有才華，自己也老懷安慰；今年將有別於過往以靚仔靚女做標準，首選有才華的人。花姐在受訪時被問到可擔心肥仔和阿Dee會教壞參賽者？肥仔搶說：「現在嘅小朋友已經好壞，唔使我哋教。」花姐續說：「其實去年都擔心佢哋兩個會教壞細路，但佢哋表現到工作認真，仲幫助參賽者激發技巧和才華。」
花姐為Ian平反
對於有報道指陳卓賢（Ian）原本臭脾氣得罪公司，但扭計成功反而硬搶了李駿傑（Jeremy）的出歌檔期，搶先發布新歌。花姐即為Ian平反說：「佢好慘，又畀人話，其實Ian係MIRROR 12個之中最『樹熊』的一個，睇佢個樣就知佢唔識扭計，佢有個唔好嘅缺點就係好慢熱，同陌生人相處需要時間溝通，可能因為咁被人誤會、好唔抵！其實去年已經計畫幫佢出自己嘅創作歌，但發生了一啲問題而延至今年；至於Jeremy過兩日都會出新歌，其他MIRROR成員都會在演唱會前出歌。（Ian的情緒有否受報道所影響？）佢當晚即刻傳訊息畀我，話如果佢態度唔好，我就要小心啲，因為我成日黑面、態度仲衰過佢，佢仲同我講笑。」至於ERROR已定於8月出新歌，不過肥仔就即場向花姐扭pat pat，笑言要扭計出5首歌，嚇得花姐大叫：「你好肉酸呀！」