張天穎音樂大過天 6位數搞工作室

（星島日報報道）從美國畢業回港的張天穎Jamie，出道前在社交網站自彈自唱成功吸引不少年輕樂迷，今年Jamie花高達六位數字自組工作室，以個人身分推出派台單曲《Fallen 4 U》正式出道。
《Fallen 4 U》是Jamie的第一首派台歌，這看似是一首情歌，但Jamie坦言希望透過這首歌能帶出讓人自愛的訊息。Jamie透露：「這原本並不是第一首派台歌，透過社交平台發問功能，我發覺好多朋友都唔係好愛自己，所以最後揀咗呢首歌派台同一班followers溝通，勉勵大家。」Jamie認為自愛是人生必學的過程，她也正在努力：「我有個壞習慣，一做嘢就唔食嘢，所以我都要學習自愛。」
決心自組工作室，Jamie稱全因為她了解自己：「第一自由度可以大啲，可以決定想做嘅嘢，同埋我都係比較知道自己想點，有時未必太想屈服。曾經有想過簽公司，但係好驚冇咗自己，所以最後都係決定用自己style畀大家認識，如果之後有公司賞識我呢個人，知道我本身嘅style，之後再合作都OK。」
爸爸金錢上無限支持
前年從美國畢業回港，為了追夢開始打工，例如教小朋友、作廣告歌，最想做的仍是音樂。是次MV拍攝大約花了4-5萬，Jamie感激一班好友相助：「本來唔係咁平，但多得好錫我嘅朋友仔義務幫忙，收好低嘅價錢做嘢。」
從Jamie IG可見，她和家人關係密切，不時和爸爸一起cover歌曲，被問到家人有否在資金上幫忙，Jamie表示：「Studio裝修用咗$200,000，還要購入器材，好彩有啲阿爸畀咗錢先，我可以分期付款，因為有呢啲器材先可以做到。」成立工作室後推出第一首單曲，Jamie表示十分滿意作品：「第一首歌冇話好大期望，純粹試吓水溫，唔知觀眾係咪真係鍾意呢種style，我自己就好鍾意！ 」