葛民輝西裝骨骨熱出汗

（星島日報報道）葛民輝昨日化了蒼白妝容亮相電影《夜校》開鏡禮，問到阿葛是否飾演鬼角色？他笑說：「做鬼就爽啦，最慘唔係做鬼，人唔似人，鬼唔似鬼，不多對白，硬着成碌葛咁企喺度。」阿葛又透露在片中飾演吳肇軒的爸爸，又指該片多資金，為他度身訂造了幾套西裝，配合公子哥兒角色的造型，不過在大熱天時穿着三件頭西裝，令阿葛渾身是汗，他笑說：「又冇冷氣，真係大整蠱，整啲三件頭錫到我燶。唔止件衫濕，褲浪底濕到出嚟。」阿葛笑言幸有好服侍，有姐姐為他吹風扇、抹汗和補妝，又多女，所以他也化了個美白妝。