丁子朗自爆「鬼上身」 半夜襲擊室友

(星島日報報道)觀眾期待已久的TVB奇幻神劇《金宵大廈2》上周正式開播，為大家演繹出全新故事。上一季《金宵大廈》成績叫好叫座，劇情懸疑又緊湊，每集都掀起網民熱討，全新一季以原班人馬登場，同時也加入不少新角色，其中就有今年勇奪「飛躍進步男演員」的丁子朗。
丁子朗是單元八故事《吃播》的主角，劇情講述丁子朗遇上大食女主播離奇失蹤事件！劇中他飾演一名無教養、無學識的MK外賣仔，是金宵大廈的其中一名住客，每天只為求搵兩餐，無人生目標，終日沉迷上網，陸續發現離奇事件，開始覺得網上的事情是假的，自己的判斷才是真的。故事取材於韓國N號房事件，建基於事件的輿論而演變成今次劇本。
《金宵大廈2》主要圍繞靈異懸疑故事，不少演員都指拍攝期間遇過怪事，丁子朗分享：「本身我覺得自己唔驚，但係愈拍愈驚，因為感覺好真，set up咗一個廢墟，場戲講我自己一個探險，因為拍攝器材會影到其他人，所以要自己一個行，行咗幾個圈愈行愈驚，但周圍擺放刑具、殺人兇器、血迹等等，其實明知道係假，但昏暗燈光加上場景布置就會令人覺得恐怖。」丁子朗笑言平時自己玩鬼屋都會驚，為陪女仔玩都要扮man硬住頭皮上。談及靈異事件，丁子朗更分享去台灣旅行曾被鬼上身！他憶述事件：「我當時瞓緊覺，突然起身摙住室友的頸，但起牀時自己無晒記憶，反而嚇親同行朋友。」
《金宵大廈》贏盡收視和口碑，丁子朗坦言自己因此而有壓力：「大家都好高期望，覺得第一集好好睇，擔心自己做得無咁好睇。但係好開心遇到呢次機會，第一次拍完劇集感覺好似自己拍咗個屬於自己的小電影。」丁子朗近年獲TVB力捧向演員方向發展，現正拍攝《法言人》的他亦不忘追看韓劇，還笑說不停想像自己是韓劇中的主角社長：「真係勁好睇！我不停荼毒身邊的同事朋友快啲睇！我睇完之後成日同經理人講，快啲開返套啦！」
將與金像獎前輩合作
在《青春不要臉》擔正男主角的丁子朗坦言日後也不會過分挑選角色，任何角色都會考慮，他說：「追求上可能會有所不同，我現在可能會想做一些複雜的角色，多點起承轉合的角色。」他繼續分享：「嚟緊都有機會與大前輩合作，有啲更加係金像獎得獎人士，好期待同他們合作。嗰套劇係現代愛情小品，會睇多啲電影、韓劇做參考。」