馮允謙獲「頭號忠粉」釗峰送驚喜

(星島日報報道)前日為2022年2月22日，適逢「Twosday」是馮允謙（Jay）34歲生日，他特別在晚上22時22分22秒開直播，與粉絲隔空慶生，Jay笑言：「好多人問我點解生日唔休息……其實我好開心，因為鍾意唱歌，可以喺生日做鍾意嘅事好幸福。我收到好多fans送畀我嘅生日卡和禮物，返屋企唔瞓覺都會睇晒，多謝大家！」
直播期間，台上的大銀幕播出家人、好友梁釗峰、鄭欣宜、黃淑蔓、軟骨Ben、女歌手Cloud等祝福短片，令Jay好感動，突然「頭號忠粉」釗峰真人驚喜現身，他代表粉絲送來一大袋生日卡和禮物，笑說：「我本來唔想嚟㗎，但你生日一年一次，仲要咁多個『2』字集合喺同一日，千載難逢，做兄弟有今生無來世！」當晚還邀請MV女主角劉沛蘅（Hillary）做嘉賓及解答粉絲留言疑問，Hillary坦言公開唱歌緊張到手震，Jay就激讚她唱得好，「過來人」釗峰亦表示對住Jay唱歌已經係壓力。