翠如視像見契女大嗌好想抱

（星島日報報道）洪永城（Tony）和梁諾妍（Inez）的囡囡Amber於去年12月出世，老友黃翠如即升呢做契媽，惟受疫情影響加上禁跨家庭聚會，她只能夠透過視像隔空見契女。
前日翠如在社交網上載與老公蕭正楠，跟Tony一家三口視像的截圖，相中Amber肥嘟嘟很可愛，翠如兩公婆見到契女即笑到見牙唔見眼，她更母愛氾濫寫道：「Sweet moments我契女，棉花糖一樣，好想抱。」但Amber見到蕭正楠卻扁嘴，翠如笑指：「契女對契爺應該有啲不滿」Inez則替囡囡留言：「洪寶寶：契媽抱抱」翠如即肉緊稱：「救命，我衝嚟你屋企㗎喇」，而Tony留言指翠如未問過契女就單方面宣布「契媽」身分，翠如亦回應：「你老婆話好呀」，不少網友都紛紛留言催促翠如「快啲生番個」。