馮盈盈被五男圍冧又驚又喜

（星島日報報道）陳俊堅、鄭雋熹、程浩駿、林浩文及姚宏遠擔大旗的話題綜藝節目《七人棄王》，繼之前找了5名靚女去荒島Camping後，今次更攞正牌溝港姐冠軍馮盈盈！為了𠱁掂女神，五子各出奇謀，當中以俊堅最有「驚」喜，先後為盈盈奉上「電動曱甴」及「電筆」，嚇得盈盈兩度放聲尖叫，更狠批俊堅好幼稚。至於以天使造型登場的鄭雋熹，則以極盡細心的冧女三寶，包括DIY愛的裝飾、極盡體貼愛的承諾以及甜言蜜語心意卡向盈盈大獻殷勤，贏得對方讚不絕口：「你張卡寫得太好喇！正中心坎，非常到肉。」
而姚宏遠雖然赤膊晒肌上陣，盈盈就似乎不太受落，嚇到眼凸：「我覺得佢應該成日咁樣唔着衫出去溝女，唔係好可靠，睇吓就好喇。」