劉丹認「熊家」只對外人嘴藐藐

（星島日報報道）TVB遊戲節目《思家大戰》前晚播出的一集中，上演《愛．回家之開心速遞》之內訌番外篇，由「根叔」劉丹率領「熊家」隊，決戰由「大龍生」羅樂林率領的「龍家」隊，思捷問丹爺：「你一家人係咪真係咁好感情？會唔會Cut機後嘴藐藐？」丹爺九秒九精靈妙回：「我哋嘴藐藐只係對外人咋嘛。」之後熊家即齊心地大嗌口號：「熊家精神，見得人，拜得神，唔會失禮人！」
兩隊之中熊尚善（滕麗名）的凌厲眼神更成功未埋牙先贏氣勢，大小姐（林淑敏）則勝在夠晒眼明手快。至於「根叔」與「大龍生」戰鬥力亦出乎意料地高，尤其「根叔」除了腦筋急轉彎精靈過人外，貼地指數更是比起一眾後輩有過之而無不及，更成為熊家過關最大功臣。