林穎彤夥拍鄭雋熹 㷫到爆Seed

（星島日報報道）由陳俊堅、鄭雋熹、程浩駿、林浩文及姚宏遠五位七綫藝人擔大旗的全新綜藝節目《七線人棄王》，製作組公布了「七線露營」拍攝花絮照。平時嬌滴滴的何依婷、林穎彤、林秀怡、王菲及黃嘉雯，五人分別夥拍五子參賽，其中以林頴彤最為突出，稱得上是「認真魔人」多番獲勝，反觀其拍檔鄭雋熹，則全程冇力水又冇速度，絕對是「玩乜衰乜老鼠屎」，令林穎彤終極爆Seed：「我真係好失望呀！點解佢咁渣㗎？你睇吓佢仲唔知喺度做乜嘢，祈禱呀？」

整個露營環節其中一個遊戲是要眾女綁着大橡筋、在互相「牽扯」的情況下，四出奔走「搶分」。期間依婷因與黃嘉雯身上的橡筋纏在一起、失平衡跌倒，眼淺的依婷爆喊並自責：「其實嗰日係我冇用……睇番當時大家都好關心我，我係唔好意思，我阻住拍攝，其實整親好小事，玩遊戲必會經歷。」