黃宗澤做良心老闆 不裁員仲出花紅

（星島日報報道）港府實施最新防疫措施直至跨年，繼續禁晚市堂食，令業界錯過黃金期，情況形同雪上加霜。政策加監下投資食店的藝人老闆大失預算，無奈預計做蝕本生意，只得急謀對策扭轉逆勢。黃宗澤疫境下保員工飯碗，不裁員瘦身、反出花紅，做個良心老闆；楊玉梅入了大量食材「好頭痕」；黃美棋面對花膠漲價30%下，也搏一搏翻身！

疫情肆虐下政府連續第二年過年禁晚巿堂食，吸取去年經驗，不少老闆都各出奇謀望渡過難關。黃宗澤經營西餐廳「Oystermine」，早前已推38元經濟早餐吸客應對，如今再搞新意思，推出西式盤菜創先河，他無奈說：「為抗疫無法，西餐比中餐好，不用太貴食材，已和經理、總廚開會，計畫推西式盤菜，讓巿民有新嘗試。」他坦言無得計蝕幾多賺幾多，只能做到幾多得幾多，揚言：「唔會減人工、唔會執笠、唔會令員工失業，今年仲有花紅出。」索性和員工同甘共苦，做個良心老闆。

楊玉梅投資飲食王國多年，見證業界興衰，她現時仍擁有12家食肆，包括「別府」和「甘味」及星馬美食「Bugis」、「Sedap」，由於店鋪眾多，早已提前入定貨，本來有望靠大時大節及過年賺錢，「現時唔知點，頭都痕！」她坦言：「沒影響就騙你，唯有度啲招數，要又平、又靚、又正，特別啲吸引食客。」並預算今個年關會艱辛捱過，楊玉梅感無奈說：「上年係咁，今年又係咁，本身疫情緩和咗，又來個Omicron，唔知幾時才可過回正常生活。」直言再一次面對業界寒冬，一定蝕本及大失預算。

黃美棋在將軍澳開設台式餐廳「大茶飯」，前年底在疫下擴展業務，於荃灣再開「茶飯號」，主打外賣生意，把握疫下時機，堪稱疫巿奇葩，她表示：「有預料未必晚市停14日，現在變相做不到團年飯，推出盤菜應對，本身預咗新年食材價格高咗，盤菜及車仔麵都有採用花膠，今年花膠價格高了30%，所以我哋都『滴緊汗』，要盡快出宣傳，大家團年、開年都要留在家，唯有集中火力這兩方面。」

譚俊彥（Shaun）在土瓜灣苦心經營西餐廳小店「forkers」，開業至今幾經波折，疫情衝擊令業務蒙特婁 受得大損失，早前公布晚巿6時起禁堂食，生意大受打擊，對他而言禁晚巿堂食等同直接執笠，因為店鋪主力經營晚巿，縱使樂觀面對也是打定輸數。Shaun知道禁晚巿延至年初三後，只表示現階段還在研究對策，希望疫情快些過去，相信明天會更好。

林夏薇開設多家中式「功夫點心」門巿，她已有心理準備防疫措施會跨年，故沒有積存大量食材，也不會入太多貨，面對抗疫也沒辦法，會遵從政府指示，會做好準備，等疫情好返再發力。

至於身兼餐廳及美容院老闆娘的林秀怡，在第五波疫情爆發下承受雙重打擊，位於旺角的手工意粉店「FooDo」在沒晚巿堂食下，損失5、6成生意，要重新分配工作，以不影響到太多員工為主，她說：「當以為會慢慢開始好的時候，第五波又開始，都無計啦，會努力再研發多些新製品可以網上發售。食材方面就影響不大，因為多數新鮮貨，今日叫聽日用。」