張沅薇再闖娛圈 恨和姜濤合作

（星島日報報道）90年代兒童節目主持張沅薇闊別幕前22年，當年為結婚湊仔斷然捨棄娛樂圈，兩子已經成長，她亦宣布再婚，計畫復出，冧爆表示想與超級偶像姜濤合作。

退居幕後的張沅薇過着充實的湊仔生活，對她而言充滿挑戰，特別是一手湊大兩子，回想當初絕不後悔。她現職牆紙售貨員及兼顧KOL，自早前亮相TVB節目《童你一起長大了》後，雖已是兩孩之母，卻風采依然，且面對鏡頭仍觸覺敏銳，原來娛樂圈是她第一份工作，雖然放低多年，但仍有濃厚興趣復出幕前，現已有相關工作洽談中，暫時保持神秘。

至於復出頭炮會是甚麼？張沅薇笑言應該是演媽咪角色。現年48歲的她被封為女神，笑說：「又唔覺喎，以前唔係好興呢個詞語，我又好懶、唔係成日做facial，但飲食方面會節制及早啲瞓。」張沅薇自稱大飯桶，曾經肥到130幾磅，連制服也穿不下，之後決心減肥。

張沅薇早年離婚收場後，一手帶大兩個小朋友，現在已覓得好歸宿，她說：「近幾年再婚，同先生一齊一家四口好開心、幸福，可以放心做自己嘅嘢，本身個人好樂觀，就算之前咁辛苦，都向正面諗，一世人流流長，點會成日順利。」礙於老公非圈中人，她不想透露太多，但老公亦支持她復出，她冧爆說：「佢接受晒我所有嘢。」張沅薇承認之前撞過板，現在會將脾氣收起，她解釋：「我家庭環境得阿哥同我，阿媽好錫我、成個公主咁，以前都好刁蠻幾難頂，𠵱家唔敢啦！」

談到幕前合作對手及親熱戲，她笑指可否揀一揀靚仔，並雀躍地表示希望和偶像姜濤合作，「我幾鍾意MIRROR，年青有為，又勤力、又謙虛有禮貌，值得支持，姜濤呢種樣係我由細到大鍾意嘅男仔樣，佢演出好有潛力，欣賞佢勤力，日日都會聽佢嘅歌好多次，呢排聽新歌《鏡中鏡》，希望有機會合作啦，如果有會好緊張，小fans一樣。」又指長子與姜濤同齡，格外親切。