姜濤認慫恿AL領男歌手獎

（星島日報報道）姜濤日前推出新歌《鏡中鏡》，並到商台接受訪問。提到冧莊再奪「我最喜愛的男歌手」，姜濤坦言：「一向都會話平常心，但其實內心深處係幾唔平常，因為身邊人對頒獎禮都好重視，成個環境影響到自己心態」。

節目中又提到林海峰頒發「我最喜愛的男歌手」時玩過火，令Anson Lo信以為真企起身，對此姜濤即笑謂：「都係我唔好，我叫佢起身，叫佢快啲出去攞，我話『你（AL）快啲出去，我就定啦』，因為我成晚囉囉攣，覺得今年做歌唔算太優秀，尤其是自己隊友攞就更加開心，所以嗰刻宣布佢攞時，我就講，你出去，你出去就得㗎啦」。