屋苑預約睇樓量升近2%

（星島日報報道）新盤接連推售帶動市場氣氛，而且部分二手業主趕趁年底前沽貨，願意擴大議價空間，促使本周末屋苑預約睇樓量回升，按周增長近2%，連升5周之餘，當中以大型屋苑預約睇樓升幅最為顯著。

中原亞太區副主席兼住宅部總裁陳永傑表示，十大屋苑本周末錄得562組睇樓預約，較上周末再升近2%，連升5周。人行宣布月中全面降準，市場資金充裕，金融市場回穩加上疫情放緩，刺激物業交投。近日多個新盤銷情理想，有大型新盤接連推出，帶動市場氣氛，部分心急的二手業主，期望於年底前售出單位，進一步擴大議價空間，刺激睇樓量上升。

祥益營業董事胡志偉指，本周六、日屯門睇樓量對比上周升6%，主要由於通關氣氛熾熱，市場增添一批買家由觀望轉趨積極睇樓，加上元朗區大型新盤即將開售，增加買家睇樓意欲。

利嘉閣地產研究部主管陳海潮表示，由於二手欠缺筍盤選擇，加上臨近年尾節慶假期，買家入市態度相對審慎，交投步伐較為緩慢。

美聯物業住宅部行政總裁布少明表示，本周末東九龍有全新盤推售，搶去部分焦點及購買力，港島及新界區陸續有新盤部署年底前應市，故一手氣氛將保持熱鬧。二手市場則在一手搶客，股市波動及節日因素等影響下，表現相對反覆。

港島區3個指標屋苑於周末暫錄160組預約睇樓，中原首席分區經理楊文傑表示，內地與港有望短時間內通關，睇樓持續上升，其中以康怡花園最受睇樓客歡迎，本周預約睇樓量錄90組，按周升12.5%，中原資深區域營業董事趙鴻運指，太古城本周錄30組睇樓預約，與上周相若，每呎叫價2.02萬；海怡半島本周錄40組預約睇樓，按周無升跌。

九龍區方面，美聯助理區域經理黃遠基表示，發展商趁年尾積極搶攻，牛頭角全新盤反應理想，搶去二手市場不少購買力，德福花園本周末預約睇樓量暫錄16組，較上周末減少20%。美聯助理聯席董事曾偉堯表示，12月新盤市場氣氛熾熱，二手睇樓活動續受壓，藍田匯景花園本周末預約睇樓量錄13組，較上周末減少13.3%。

新界區方面，利嘉閣高級經理黃慶揚表示，假期節日氣氛漸濃，買家取態相對觀望，市況較為平淡，沙田第一城本周末錄50組預約睇樓，按周跌50%。利嘉閣首席聯席董事鄧達榮指，將軍澳新都城預約睇樓量按周維持45組。