趙家賢憶述被咬耳仔：「啪喇」一聲咬完扯甩

(星島日報報道)中年漢陳真前年十一月初涉嫌於太古城中心外，突然拿刀襲擊二人，並咬甩時任區議員趙家賢左耳，他否認三項有意圖而傷人罪及一項普通襲擊罪，昨日於高等法院續審。趙家賢戴著人工左耳，憶述案發時被告「左手捉住我右邊面，右手掂住我後腦，好似保齡球咁拉我個頭埋身，將我左耳拉近佢個口，咬咗落來」，趙「發唔到力推唔開，（俾佢）咬住咗，聽到『啪喇』一聲，咬完扯甩（隻耳仔），咬完之後兩三秒先劇痛。佢將隻耳仔『lur』落地，又將我個頭拉埋去，想咬我隻右耳。」

趙家賢在三名懲教人員看管下出庭作供，指當晚大量公眾不滿警員進入太古城商場，趙到場排解紛爭，現場情況稍為安頓好後，便聽到商場西門有人大叫「要人呀！」趙應召上前支援，出門後看見一對男女傷者浴血倒地，右轉即看見三至八名市民跟被告口角對峙，趙上前了解事件時問道「你做咩打人？」被告帶鄉音回應「我唔係打人，我係打狗」，又稱「我認得你，你係議員嘛」。當時現場仍有「好多爭執說話」，被告突然右腳大力「吔」向趙左邊跪地女士。趙隨即叫保安控制被告，將被告拍向牆。

被告拍牆時本來面向牆，與趙身後市民仍然口角，被告情緒激動，突然「成個身郁動，保安唔夠力，佢轉身向出，想兜過自己左面去打市民」，趙不欲形勢惡化，大聲說「唔好」，攤開身體，手垂低「叉開少少」，盡力阻止被告，但趙指被告「好大隻，阻唔到佢，個身過咗我，但將我拉返去身前面，左手捉住我右邊面，右手掂住我後腦，好似保齡球咁拉我個頭埋身，將我左耳拉近佢個口，咬咗落來，佢身材大隻，鉗住咗我對手，發唔到力推唔開，咬住咗，聽到『啪喇』一聲，咬完扯甩（隻耳仔）」。趙家賢憶述「我再掙扎，（但）睇唔清楚，眼鏡承托唔到跌咗」。趙家賢又言當時「左手掩住隻耳，用右手推開佢，其他市民拉開咗佢」，二人分開後，大叫「呀！我隻左耳！我隻耳呀！」

被咬後趙家賢摸向左耳，感覺「黐立立」，因自己患有糖尿病。當時有義務急救員替趙尋回耳朵，放進保鮮袋內保存，而趙則「流血流到休克咁滯，義務急救員冚咗我幾巴，最後醒返」，其後消防到場包紮治理送院。事後醫生曾嘗試將左耳「駁咗五十針，駁上去」，惟「血管駁唔到，一星期後左耳變黑壞死，（拆除後）用三十七針再聯番（傷口）」。趙家賢庭上剖白當時聽到「啪喇」一聲「永世都記得」，本來「諗住攞身軀擋住佢，佢情緒躁動最多打我幾槌」。接受手術前「情緒失控、爆喊」，心想「點解我想來幫手調解件事件？點解會咁暴力受襲㗎？點解個社會會變成咁？」案件編號：高院刑事二〇四——二〇二〇。