張振朗谷肥40磅再狂操 豬腩變爆肌

(星島日報報道)由張振朗、黎耀祥、黃子恒、朱敏瀚、姚子羚等人主演的台慶劇《拳王》將於本月23日起接棒播出，早前劇組以「拳王The Ringmaster 2021」為題發布首段宣傳片，除了由男主角之一的張振朗擔任旁白，他為新劇苦練多時的爆肌造型亦終於曝光，振朗脹爆的胸肌配以零脂肪、線條靚絕的無敵朱古力肌，吸睛度爆燈！

宣傳片還展現視帝黎耀祥的演出以及主角們奮力操練的畫面，配以振朗旁白：「你嘅擂台喺邊度？每一日我哋為生活、為現實搏命，但呢個係咪唯一嘅選擇？試吓忠於自己，為一個信念去奮鬥，唔好由其他人去定義你嘅價值！」整個宣傳片十分熱血。

振朗今次為了操練出完美身型，下了不少苦功，早於劇集開拍前一年多，振朗已開始為操肌做準備，首要步驟是增肥，過程中的他顯得水腫兼凸腩，振朗表示：「當時一日食五餐，主要都係牛扒同大量的飯，因為要先谷肥，增加脂肪同埋肌肉，這樣操fit的時候，肌肉才會更加有份量。」而振朗在一年內增重40磅，他笑言：「增肥的時候咁啱有兩套劇出街，就是《使徒行者3》同《踩過界2》，當時好多人話我肥咗！」

完成第一個步驟，接下來的半年振朗透過地獄式操練，搭配健康餐單，將一身肥肉轉化成完美爆肌身型，除了吃白烚雞肉，更聽從教練建議飲雞水，他說：「因為每一日食嘅（雞肉）量要好多，飲雞水可以補充到足夠嘅蛋白質，又唔使好似食擦子膠咁，個過程幾有挑戰性，辛苦但係對自己身體了解多咗。」今次振朗以全身上下無懈可擊的爆肌身型影宣傳照，連背部線條亦操得相當完美，可見下了不少苦功。