鄧麗欣新戲挑戰尺度：看似無着衫

馬志威賣口乖指能跟鄧麗欣扮演夫妻，是上世修來的福份。

Previous Next

馬志威與鄧麗欣於電影《12日》中扮演由拍拖到結婚的一對，鄧麗欣笑言導演安排首日開工要演親熱戲打破隔閡，當收到流程表時也嚇一跳。她說：「喺銀幕上來講，我未試過咁嘅尺度，雖然有着衫，但睇落去似無着。拍咗嗰日戲都有好處，往後拍攝快速地擦出火花。」她又指在戲中親熱戲不多，但尺度到肉，其中有場戲跟馬志威在戲院互相挑逗。

問到可會叫前度男友王子入場觀看支持該片？她說：「順其自然。」對於有網民發現她出post，獲得王子緊貼俾like，她笑說：「我都有俾like佢，係社交禮儀，大家朋友關係，俾like係一個支持。」提到王子在社交網透露獨自去做身體檢查感覺孤獨。她說：「我都俾咗like佢，支持佢做身體檢查。」

對於今次跟鄧麗欣合作，馬志威笑言好緊張，因為讀書時已欣賞對方，覺得鄧麗欣好靚又清秀，未想過十幾年後一齊合作扮演夫妻，更認為自己是上世修來的福份。

周秀娜早前分享相片被指瘦到變「火柴手」，前晚她穿露肩裙雖未有騷手臂，但可見瘦到鎖骨盡現。對於被指瘦到變「火柴手」，娜姐笑說：「如果大家想我肥返少少，我就增肥啦！有時可能角度或燈光問題，線條出少少，就會覺得係咪肥咗？當瘦少少就會話瘦咗呀！多謝佢哋關心，但我健康狀況OK。」戲中有穿着旗袍知客造型的娜姐，大讚感覺特別，開拍前原本打算到酒樓觀察知客工作情況，但發現現今的知客只穿着西裝打扮，不過她認為着旗袍能表達出女性體態美。

向來大多演搞笑角色的張繼聰，今次在戲中與娜姐演繹一段愛情故事，跟以往所演的角色有很大分別。問到太太對他有何評價？阿聰坦言太太在演戲上對他好崇拜，當知道他睇劇本就會變身，而今次所演的角色獲得影評人形容是他演藝生涯最巔峰，令他好開心。談到他今次的角色雖沒有搞笑成分，但可會擔心入場觀眾會笑？他說：「有啲人硬係去到邊都鍾意笑，佢入嚟笑或做乜都好，最緊要入場買飛。如果覺得笑唔夠，再買多次飛。」