Tyson Yoshi嫌情侶裝唔型

(星島日報報道)Tyson Yoshi現身活動時身水身汗，原來途中塞車，他要連跑5層樓梯趕到場地。問到是否一向守時？他卻心直口快說：「冇乜點守時，不過亦唔係遲到王，主要係許多時候要連趕幾個工作。（約女友會否遲到？）咁又唔會，我會直接叫佢過來搵我，所以有佢遲冇我遲，呢個方法唔錯。」出名愛錫女友的他連環讚女友體諒和遷就他，大方不小器，他自己就冇乜優點，所以很珍惜這個女友。笑指因此他可用玩具槍射女友，他最初認叻指是他單方面射女友，不會將射槍的權力一分為二，但隨後自爆其實也有被女友射槍。

說到經常被大批女粉絲包圍，女友可有呷醋？Tyson Yoshi表示沒問題，女友已習慣，亦沒發生過男女粉絲向他示愛的事，但他也不會特別向女友許下愛的承諾，因答應了但做不到反而不好。雖然他大讚女友，但講到情侶衫就耍手兼擰頭，認為此舉唔型仔，最多是配襯顏色，一模一樣就一定不可，笑指除了口罩，因家裏只有一盒共用。