苟芸慧整甜品慘遭豆釘K.O.

(星島日報報道)苟芸慧（苟姑娘）向來喜歡小朋友，不時上載與侄仔及侄女合照展示「母愛」，日前加碼挑戰與三位3至4歲的小朋友合作炮製甜品。拿手整甜品的苟姑娘今次要同時應付三位小朋友，難怪高手都要失手，過程中三粒豆釘要學打蛋、調配食材分量、將材料攪勻等，看似簡單卻好「失控」，又不時「逃跑」，更頻頻提問令苟姑娘口啞啞，但她仍展現無比耐性，還出動糖果及士多啤梨乾，才稍稍將混亂場面平復。

雖然與小朋友整甜品的初體驗失敗，但無損苟姑娘對小朋友的愛，她說：「我覺得係幾有趣嘅經驗，雖然大家見到我個狼狽樣，不過係幾開心，同三個小朋友玩嘅過程，發覺每個小朋友都有不同個性，所以都係一個未生小朋友之前嘅Warm Up！冇改變自己鍾意小朋友嘅想法，鍾意就係鍾意，好簡單，我鍾意小朋友係因為佢哋好天真！」