區瑞強開騷邀「湯羹姊妹花」助陣

(星島日報報道)《區瑞強相識在童年 知心50載演唱會》於本月15日在伊館舉行一連三場，昨日區瑞強聯同嘉賓黑妹（李麗霞）和肥媽進行綵排。區瑞強表示今次會大唱70年代經典中文及台式歌，指當年台灣歌紅霸香港，好多人琅琅上口，他又搞笑指為肥媽和黑妹改名「湯羹姊妹花」，因為夠闊。肥媽聞言即大讚個名好掂，可以登台用。

對於在演唱會上與魔術師兼大學師弟甄澤權合作玩魔術，問到可會找肥媽和黑妹幫手上演刀鋸美人，他說：「驚把鋸鋸爛，鋸好耐都未得！鋸一個都可以，兩個的話魔術師都驚，我試下提議下。」肥媽笑言謂：「冇嘢做呀？無啦啦畀人玩，我哋好守身如玉㗎！」黑妹亦表示肥媽敢去就一齊玩。而區瑞強表示嘉賓方面最擔心肥媽和胡楓，皆因經常爆肚，最驚搞到超時而被罰錢，又大讚另一嘉賓李思捷既講得、唱得又扮得嘢。