伍仲衡睇中Yumi舞藝搞旺場

(星島日報報道)音樂人伍仲衡（Harry）繼今年3月在旺角麥花臣場館舉行兩場音樂會後，由於反應熱烈，今個月乘勝追擊移師到九展Star Hall再開《伍仲衡再搞花臣音樂會》，場館除了可以容納更多觀眾，伍仲衡更邀請了不同年代的歌手擔任嘉賓，其中只有14歲的《聲夢傳奇》學員鍾柔美（Yumi）亦都榜上有名，二人再次合作，Yumi直言興奮又緊張！

曾擔任《聲夢》評審的伍仲衡，今個月在九展舉行的音樂會，特別邀請了《聲夢》學員Yumi 做嘉賓，伍仲衡承認睇中Yumi跳舞出色，能夠在音樂會中搞氣氛！伍仲衡更對Yumi 有讚冇彈：「雖然之前做《聲夢》評審，但都冇同佢接觸過，真正嘅溝通係上一次做live。嚟緊個show， Yumi就會做我嘅嘉賓！我覺得佢靚囉，我一路以為佢16歲，原來佢只係14歲小妹妹！不過見到佢一跳舞嗰種自信就真係好成熟，嗰種眼神好自信！Yumi嘅天分係散發喺血液入面，流住跳舞嘅血液，話晒佢都係跳舞世家。我都有問Yumi想喺演唱會唱咩歌，不過我當然想佢跳舞啦，一定會令到現場氣氛好好！」

得到前輩賞識，鍾柔美Yumi就話自己當日一收到邀請，立刻答應！Yumi : 「我當時即刻應承，首先冇諗過完咗聲夢演唱會就即刻會踏上另外一個舞台，自己本身都冇諗過再有呢個機會！知道嚟緊係四面台都有啲緊張！但係都好期待！」

有「翻版鍾嘉欣」之稱的Yumi 今年雖然只有14歲，年紀輕輕，但她6歲開始已經參加不同歌唱跳舞比賽，幕前和舞台經驗都相當豐富，問到Yumi 從小參加比賽，目標是否想成名？她謙虛表示目的是想向他人學習，Yumi : 「我細細個參加咁多比賽，係因為我想見多啲其他人，我想喺外面嘅世界認識多啲，學習多啲！媽咪知我好鍾意唱歌，就會幫我報名，每次我都會話好，自己乜嘢都想試！但今次呢個聲夢比賽就好唔同，因為係一個好大嘅舞台，又配合好多專業嘅資源，所以我踏上星夢呢一個舞台，真係好開心！」Yumi 亦都曾經參演過無線劇集拍攝，Yumi : 「我有拍過劇，做人哋個女，有對白嘅！因為嗰陣我係家燕媽媽藝術中心嘅學生，喺嗰到學跳舞、唱歌、演藝，所以透過佢哋都有好多拍劇嘅面試機會。」從未拍過拖的Yumi雖然是A0，但樣子甜美的她，絕對是學校的「校花」，問到Yumi過往在學校是否吸引不少男同學追求？Yumi就例牌表示讀書行先：「我就覺得要讀書先，因為年紀都係仲細！我自己係讀男女校，我喺學校只係做返自己學生嘅本分，同朋友玩、讀書，唔會話因為我參加咗比賽而喺學校特別威！」