翁嘉穗為Sammi慶生晒美腿搶鏡

(星島日報報道)上月已經度過了49歲生日的鄭秀文（Sammi），慶生活動陸續有來。繼早前同古仔、杜Sir等晚飯後，日前又有好姊妹翁嘉穗替她補祝生日。翁嘉穗事後上載合照，更留言祝好姊妹：「終身美麗。」

翁嘉穗是97年的港姐冠軍，隨後下嫁商人鄔友正，疊埋心水做少奶奶，更先後誕下兩個兒子。現年47歲的她，無論樣貌、身材都保持住少女一樣，更時不時在社交網大晒泳衣照，被網友封為「凍齡美魔女」。

日前翁嘉穗與Sammi補祝生日時，亦穿上一件超貼身tube top ，再襯牛仔超短褲晒白滑靚腿。相反，身旁的Sammi已經秋裝上陣，包得密密實實。翁嘉穗今次真係成功搶晒壽星女鏡喇！