陳茵媺開心晒合家早餐圖

(星島日報報道)陳豪與陳茵媺堪稱圈中的模範夫妻，二人於13年結婚後，一口氣誕下兩仔一女，一家五口一向幸福滿瀉！今日Aimee在社交網透露，原來陳氏家族有一個習慣，每逢星期日都會一早起身，一家人齊齊整整去食早餐，真係夠晒溫馨！

Aimee今日在社交網上載了一家人食早餐相片，其中一張Aimee抱住孻女Camilla，已經5歲的Camilla愈大愈靚女，皮膚白雪雪，五官同Aimee簡直倒模一樣，非常得意。至於，兩位哥哥就着住一式一樣的polo恤， 「兄弟裝」上陣。之後Camilla負責揸機，替爹哋媽咪影相，有板有眼。Aimee更表示他們一家最享受每逢星期日一齊去食早餐，而且每次都會幫襯不同的餐廳，十足十小時候去飲茶一樣。