小方：何詩蓓圓了香港泳將夢想

■方力申終於體會做記者的辛苦。

Previous Next

作為大師兄的方力申相當興奮，替何詩蓓感到開心和驕傲。小方於社交平台拍片留言祝賀何詩蓓：「Super proud of you，你圓了我哋香港游泳運動員嘅夢！多謝你！」

小方有機會再度採訪何詩蓓，他認真做足功課，還被工作人員拍下他採訪前的「緊張樣」，小方說：「我個人抗壓能力好低，將勤補拙嘅我，惟有寫低啲問題，照住讀。」到真正訪問時，小方搞笑的帶定頭盔指：「我望你哋唔好鬧我問咗呢條問題」，原來他問何詩蓓突然多了好多粉絲，有逾13,000個留言，會唔會睇得晒？何詩蓓就回答：「希望可以睇晒」；問題得逞，小方開心寫下：「何詩蓓話會睇晒大家啲message……我哋可以繼續留言呀！」他又分享做採訪的艱辛，「今日第二次要自己寫稿，自己配音。呢個叫做包『一個故仔』，都幾好玩㗎！採訪係非常困難，做記者真係好辛苦㗎！」小方雖然緊張，情緒卻相當高漲，貼中最佳時間賽果的他「招積」指：「有片有證據！我嘅賽前預測全中！」又笑指自己沾沾自喜。另外又上載在房內與男女工作人員開飯片段，憶述以前出外地做游泳集訓時，教練不許他們鎖門，笑言因男女授受不親。

一眾名人昨也紛紛在社交網恭賀何詩蓓再奪奧運獎牌。余安安上載何詩蓓的英姿大讚甜美，留言恭喜對方：「唔知點解睇佢個訪問滾動到想喊！」黃祥興更發表愛慕之情：「我有少少鍾意咗佢！繼續努力！」陳山聰就搞笑的上載1歲兒子陳霆軒的片段問兒子：「你咁早起身，係咪支持何詩蓓姐姐？」鄭裕玲、李司棋、張振朗、梁諾妍、吳雨霏、何雁詩、趙慧珊、JW、胡蓓蔚、馬黎珈而、何超蓮、 連詩雅、徐榮、胡定欣及DJ當奴等也向何詩蓓道賀！

此外，楊思琦與黃婉曼昨日出席網購平台活動，思琦稱昨晨與一對子女齊齊睇奧運，見證何詩蓓再奪銀牌時全家瘋狂尖叫，她指女兒雖有習泳，但無意培育做「飛魚」，只是一技傍身，方便求生。而黃婉曼透露日前帶女兒到主題公園慶生，女兒因此明白媽咪要出外搵錢才能夠再帶她周圍玩，昨日見她出門時不再哭鬧。