鄭伊健自爆曾擔心脫髮

(星島日報報道)54歲鄭伊健狀態大勇，最近憑一頭飄逸長髮，獲邀成為保健產品代言人，拍攝當日他又跑步又開價值500萬超級跑車，還激罕自度舞步原地轉身，活力四射。其中一幕導演要求伊健與跑車競賽以展示Man爆魅力，為配合攝影師和燈光師，看似簡單的跑步動作，其實難度極高，伊健說：「我有熱身和拉筋，今次只負責跑，好輕鬆，最辛苦係成隊Crew帶埋器材跟住我跑，來回跑咗好多次。雖然唔使我真係跑得好快，但要拍出效果，需要好好配合。」

原來伊健亦曾擔心脫髮問題，但自有秘方：「其實冇得太驚，最緊要做好自己，脫髮問題事關遺傳基因、日常護理，我主張多做運動和均衡飲食。」