余香凝佗B拍微電影獲獎

(星島日報報道)余香凝（Jennifer）去年底與影后鮑起靜、潘燦良拍攝微電影《日子總有我伴你走》，她更憑此片奪得「最佳微電影女主角」獎，直言開心又感恩，又笑言腹中BB「腳頭好」。她指能參與拍攝的滿足感比攞獎更大︰「一直都好想做關於親情的作品，導演第一次搵我拍呢個微電影時，自己計畫緊結婚，到拍攝時就有BB，所以所有嘢嚟得好合時。加上自己婆婆都好大年紀，好想做一些關於親情作品，畀婆婆睇到，或者畀大家睇到，去宣揚要珍惜眼前人嘅訊息。」更讚整個團隊都好照顧她這個大肚婆：「大家好緊張我，唔使埋位就叫我坐，鮑姐又叫我休息，又驚飯盒唔夠營養再加餸，成個團隊好有愛！」