靚湯：我哋都唔鍾意玩驚喜

(星島日報報道)湯洛雯（靚湯）及蕭正楠前晚在《開心大綜藝》宣傳新劇《一笑渡凡間》，靚湯提到早前拍拖staycation慶生日，爆馬國明首次staycation，並沒求婚，因二人不玩驚喜。至於訂情公仔小馬和獨角獸全身濕，因好多人指小馬污糟才叫男友幫它沖涼。

前晚演出《開心大綜藝》時，靚湯被記者問到早前與男友馬國明到酒店staycation慶祝生日，她穿三點式非常性感，她則透露是穿一件頭做spa，身旁的蕭正楠讚她天生麗質，一件頭着到似三點式咁性感。

靚湯表示沒想過有假期所以好開心，更爆男友是第一次staycation。追問馬明有沒有求婚？靚湯表示沒有，坦言兩個都不是玩驚喜的人，她想吃哪個蛋糕也會講明，今次staycation也是她安排。說到他們帶同訂情公仔小馬及獨角獸去staycation，但公仔全身濕透，靚湯解釋因為好多人說小馬好污糟，所以叫馬明為小馬沖涼。

此外，靚湯有一位比她細近十歲的胞妹樂瑤，在社交網經常分享姊妹互動，令索妹曝光大受網民關注而人氣急升，更曾姊妹檔拍廣告。但樂瑤已有一段時間沒更新社交網，靚湯也有發現胞妹久未現身社交網，於是趁生日特地在社交網上載胞妹為她慶祝生日的相片，她寫道：「就upload吓佢啲新相啦，唔該唔好再減肥，就嚟瘦到唔認得你，同埋唔想同你影相（呢句先真），但係多謝你整嘅蛋糕，好味道。」姊妹二人同享靚女基因，慶祝生日的相片十分溫馨，潛水多時的湯樂瑤亦「上水」留言送上飛吻EMOJI，而靚湯好姊妹高海寧，亦留言大讚：「一家都好靚呀。」