靚湯生日想同馬明酒店過夜

■《雙生陌生人》有不少年輕演員。

Previous Next

馬德鐘透露劇中需要一人分飾律師及文青兩角，亦是入行以來首次分飾兩角，是一個很大的挑戰。他笑說：「睇完劇本，瞓覺紮醒，會諗究竟我演緊邊一個角色。」他笑言已交代所有同劇演員，要提醒他正在飾演那一個角色。戲中，馬德鐘跟陳煒飾演夫婦。陳煒現正拍攝劇集《黯夜守護者》，本月18日完成拍後22日緊接開拍新劇。陳煒笑言數天休息亦有很多東西要準備，她笑說：「因為《黯》劇做警察，比較粗魯，所以連保養都懶啲；但《雙》飾演淑女、千金小姐，所以要做好保養，包括整指甲。」

湯洛雯提到最近忙於搬新屋，因為睡眠不足皮膚有點差。她透露自己的睡房為了慳錢，購入了不少現成傢俬，部分更會親手組裝。亦因組裝傢俬造成血光之災，她笑笑說：「𠝹嘢嘅時候太用力，唔小心𠝹咗落膝頭上面。唔係好深嘅，但都即刻流血。（馬明知唔知？）佢知，因為知我論盡，無乜特別感覺。試過喺商場拖手行街，我成個人趴咗落地，佢仲拖住我隻手，問我咩事，嗰刻覺得自己好𤓓。」此外，馬明即將完成拍攝《白色強人2》回港，靚湯提到馬明可以為她慶祝生日，她笑說：「我5月6日生日，不過到時我可能要開工，想去Staycation，因為未試過。」

另外，麥大力首度拍劇，劇中飾演有錢仔，由於昨日才收到劇本而未知詳情。他提到距離拍攝還有幾個禮拜，相信有能力應付廣東話對白。提到「鬼妹仔」謝嘉怡也參演《愛．回家》，他笑笑說：「我唔知喎！如果係真，我一定會搵佢。」