姜濤願接衞生巾廣告 帶挈隊友

(星島日報報道)姜濤最近跟蔡卓妍（阿Sa）合作宣揚HPV預防訊息，短短半年狂接半百代言攻陷廣告市場，姜濤卻表示未認真細數，而且多張支票未到手，還放聲氣若孖MIRROR隊友接拍，衞生巾廣告也歡迎，內褲廣告的話自己只能出樣，要KEY上隊友Stanley或Alton身體。

姜濤及阿Sa前晚出席「HPV健康教育大使發布會」，姜濤直言與前輩阿Sa合作開心又緊張，開工前一日已幻想過程，他笑說：「其實根本不用擔心，皆因我們是分開拍，但我也有去探班及影合照，因為出道前、細細個都有聽Twins的歌。（買過Twins的碟或睇過演唱會？）其實我由細到大都未睇過演唱會，連偶像小豬羅志祥的演唱會也未看過，因為屋企冇俾錢我睇，零用錢都用在吃東西及買遊戲卡上，哈哈！」姜濤表示入行後工作忙碌，除了看過隊友Ian的九展演唱會外，未曾做過紅館騷的觀眾，笑言最想做MIRROR演唱會的觀眾，審視自己的演出，但根本不可能。

對於有指他半年狂拍50個廣告，姜濤稱沒認真數過，但希望客戶繼續找他合作，問到是否豬籠入水？他笑說：「很多支票仍未收到呀！廣告的錢比較遲收到呢！」笑問會否擔心花姐「落格」？他說：「咁又唔會！如果有，花姐就唔會咁窮啦，哈哈！」

姜濤不諱言最想拍美食廣告，可以光明正大狂食，若有錢賺也不介意拍M巾廣告，又謂要與MIRROR隊友合拍。至於內褲廣告呢？姜濤笑說：「Key我個樣便可，身體可以用Stanley或Alton。（為何不現真身？）我驚以後乜廣告都冇呀！嚇走晒啲客！我都有自知之明㗎！哈哈！」

38歲的阿Sa從助手口中得知姜濤只得21歲，笑認「生得佢出」，壓力大得要狂碌機「回春」，並說：「姜濤真的又Cute又靚仔，有禮貌又乖，真人比想像中高呢，難怪咁多Fans！」笑問會否想生個如姜濤一樣的乖巧靚仔？阿Sa感慨說雖然已雪卵，但因疫情而突然不想生育，不想BB出世第一件事就是戴口罩，遲些再諗。她又直言想跟MIRROR及ERROR合作，數年前已在金像獎跟「肥仔」梁業合作過，當時ERROR尚未成軍，對肥仔的勤奮印象深刻，奈何Twins的20周年個唱不打算請嘉賓。此外，對於男友石恆聰的寓所遭狂迷損毀，以及出言恐嚇，阿Sa因案件已進入司法程序而不便多談。

MIRROR在18日舉行的ViuTV首個音樂頒獎禮《Chill Club推介榜 年度推介20/21》角逐組合及個人獎項，前晚進行演出綵排，說到12子各有粉絲，得獎機會佔優，隊長Lokman笑指這是MIRROR的力量，人多好辦事，蟻多摟死象。Anson Kong則認為未必有優勢，還爆原本想集12人力量力推ERROR成員何啟華(阿Dee）奪「年度唱作歌手」獎，惜對方落榜，證明比賽公平。個人獎項方面，姜濤與Ian抱平常心，認為得團隊獎更最重要。

Mirror又指剛出camp，這兩天如火如荼準備為演唱會綵排，日子逼近，Lokman不諱言大家開始在體力上感吃力，不斷微調rundown。