姜濤放低包袱生擒阿Dee

(星島日報報道)阮小儀、MIRROR成員呂爵安（Edan）及黃奕晨主持的節目《考有Feel》下周一播出，由於每集均以MIRROR隊對抗ERROR隊，兩隊Fans早已引頸以待！小儀日前在社交網站上載數張花絮照，並寫道：「嗱！有圖有真相！連姜濤都咁勇猛，我拍攝時小小瘀，係預咗㗎啦！所以記得到時一定要撐我哋《考有Feel》呀！」

只見姜濤完全放下偶像包袱玩到頭髮亂了，更恍如喪屍一樣襲擊阿Dee@ERROR，Fans即笑指是「狂濤出沒」，又紛紛留言羨慕小儀畀仔圍。曾自認是「爵屎」的小儀，繼早前在饑饉活動上狂抽姜濤水後，又po上一系列「男神崩壞」照片，莫非已「跑票」成為「姜糖」？