RubberBand為個唱全員檢測

(星島日報報道)RubberBand正忙於為4月3日於紅磡香港體育館舉行的《RubberBand Ciao 2021》積極綵排，個唱加入了雷柏熹爵士大樂團及無伴奏組合AMuiXis一同演出，日前終於齊人綵排，樂隊一眾成員都十分興奮。由於今次參與音樂會的人數眾多，所以大會在綵排期間的防疫功夫亦做到足。泥鯭說：「我哋好乖做晒檢測，好Safe先一齊練歌，同埋排練時樂手都間開晒，又唔畀外人探訪。喺疫情下大家都盡量保持身體健康，等大家可以如期享受個騷，我都幻想緊30幾個樂手喺台上嗰個畫面，肯定好正！」

為了今次音樂會，RubberBand特別創作了新歌《Ciao》，但因為忙於綵排而未能趕及開騷前灌錄歌曲派台，主音6號計畫將新歌剪輯成片段給歌迷在騷前搶先欣賞，在演唱會才正式推出。