欣宜憶母女點滴悼肥姐忌辰

（星島日報報道）昨日是肥姐忌辰，欣宜在社交網發文紀念媽咪，並分享一張中學畢業典禮的相片，她寫道讀書時自恃有小聰明，放學只顧玩，又經常欠交功課，令成績一落千丈，更驚動肥姐停工，飛到加拿大陪她讀書，但沒有因此打她鬧她。「記得佢見到我啲分數時，佢冇打我、佢冇鬧我。我見到反而係佢對自己嘅失望。她好似喺度怪責自己『點解唔攞多啲時間出嚟去鞭策自己個女讀書讀好啲』。佢只係細細聲同我講咗一句『你要靠呢啲分數考大學㗎』。當時見到佢咁失望，我真係寧願佢鬧我、打我。」

欣宜又說當年母女間不懂用說話講心事，只靠寫紙條傾訴心事，她承諾媽咪會以Honour roll（榮譽榜）畢業，而欣宜說到做到，開始努力做功課、溫書，畢業時真的做到Honour Roll Student，而她也永遠記得媽咪教她「做人要有頭有尾，講得出就要做得到」。提到自己在13年前許下承諾，「我冇特別爭氣，我冇特別乖……仲好似愈來愈唔聽話，我亦唔覺得我做到一個有用嘅人，但我一定有努力。I'm trying， I'm on my way there。」欣宜這幾年在演藝事業的成績有目共睹，相信肥姐在天之靈也感到安慰。