湯洛雯再否認婚訊：講到悶

（星島日報報道）無線劇集《失憶24小時》舉行宣傳活動，主要演員郭晉安、譚俊彥、姜大衛、王君馨、湯洛雯、譚凱琪及江欣燕等現身支持。最近馬國明跟湯洛雯婚期再成佳話，日前更有報道言之鑿鑿他們正在籌備婚禮。靚湯再次否認婚訊，又表示往後不再回應，她笑指同類型新聞相信大家已覺得沉悶。

日前有報道指馬國明跟湯洛雯正在籌備婚禮，更「披露」不少婚禮細節。靚湯對傳聞再次否認，她笑說：「自己一路睇一路笑，我講埋今次唔再講喇，相信大家都開始覺得悶。」郭晉安跟馬明現正一同拍劇，問到馬明可有請教夫妻相處之道或辦婚宴小貼士﹗安仔跟靚湯笑說：「我幫你頂！其實我對擺酒真係無咩記憶，當日好似進入咗結界咁。」靚湯笑反問安仔是否早被灌醉？安仔笑說：「固然想隊冧自己啦！因為擺酒唔係為咗兩個人，仲要加上你係藝人。」

郭晉安太太歐倩怡早前營養學以一級榮譽畢業，卻惹來「花生友」質疑她是用錢買回來。郭晉安說：「唔好侮辱俾一級榮譽畢業佢（歐倩怡）嘅人，因為呢班人都係專業，佢現時仲讀緊。」安仔強調很高興太太尋找到喜歡的科目再去進修，亦希望年輕人可以盡快找到喜歡的目標而不是浪費時間。提到「花生友」是否應留待歐倩怡得更高學歷才批評，他笑笑說：「係呀！因為佢嘅目標係科研。」

此外，政府日前終於開放堂食人數至4人，身為餐廳老闆的譚俊彥坦言終於都等到，更透露身旁王君馨今晚就會到其餐廳晚膳。譚俊彥坦言已不是要追回虧蝕的數目，而是如何好好的營運下去。他說：「我有個拍檔已經三個月冇出糧，我自己當然都一樣，如果鋪頭有食材賣唔晒，我會畀錢去買。」

另外，曾經是「獎老」的江欣燕談到知道曾志偉以高層身分重返無線，她笑說：「當日好多人恭喜我，當我知咩事嘅時候，就覺得世事無絕對，無奇不有。志偉都有覆番我『梗係啦！唔通日日褲穿窿咩！』呢個係牛年最好嘅消息。」