華仔Fit爆回歸拍動作戲

（星島日報報道）劉德華主演、邱禮濤執導新片《拆彈專家2》今年底壓軸登場，華仔在片中有連場動作戲均親自上陣，是繼於2017年墮馬意外康復後，最多動作場面的電影，在最新預告片青馬大橋被炸的驚心場面中，華仔更暗晒胸肌。

華仔主演的《拆彈專家2》，故事續以「拆彈」為題，更邀得重量級劉青雲加盟，湊成「雙影帝」組合。今集講述香港受恐怖襲擊，全城陷入恐慌，飾演前拆彈專家的華仔竟昏迷於案發現場，甦醒後被警方列作頭號嫌疑犯，遂找來昔日戰友兼拆彈專家青雲協助，以身犯險誓要查出真相。

華仔在片中有不少肉搏打鬥、奔跑、翻滾飛躍等鏡頭，他為求拍出理想效果均親自上陣。問到華仔可有被該等鏡頭難倒？他笑言：「No problem，好清楚自己身體狀況，反而武指、導演會擔心啲，我都叫佢哋唔使擔心。今次爆炸、拳腳動作等場面，過往我都曾經做過，所以能夠應付！不過如果拍攝過程一次唔得、兩次唔得、三次唔得，咁我就會比較辛苦，但導演安排好好，動作場面拍一、兩Take就完成。」

昨天釋出的最新預告片還看到青馬大橋被炸、捲起千呎巨浪、貨輪沉沒，海中心出現蘑菇雲等翻天覆地的場面，幕幕驚心震撼。敏捷的身手固然是華仔在片中看點，另一幕若隱若現、暗晒胸肌腹肌的畫面也甚有睇頭。華仔表示：「老實講，身體自上次受傷之後，冇以前咁fit，我覺得喺體形各方面應該要盡快追番，當然要飲食、運動及生活各方面配合，身邊嘅人成日都讚我fit，所以劉德華唔fit真係會俾人笑，佢哋嘅鼓勵就是對我的鞭策。」