王浩信：飲酒唔好揸車 高海寧：私下好少聯絡

■王浩信、張振朗劇中曖昧關係昇華，笑言是挑戰觀眾的底。

■高Ling早前剛與陽明齊宣傳劇集，她坦言工作以外、私下好少與對方聯絡。

■楊明前晚涉嫌酒駕炒車，其實早有前科，早在2005年就因醉駕而被罰款、停牌。

Previous Next

前晚凌晨楊明涉嫌酒駕導致交通意外，事發後網上激起騷動，網民挖出楊明歷年來的犯罪記錄，2005年他將座駕停泊在佐敦道中間熟睡，接受酒精測試時證實超標後被拘捕，其後被判罰款7,000元及停牌1年。更諷刺的事，楊明日前在訪問中表示近年已減少飲酒，避免出醜人前，事隔兩日卻因涉嫌酒駕出事。

談到楊明涉嫌酒駕，王浩信說：「唉，我都唔知講咩好，作為同事，最緊要人冇事。飲咗酒，真係唔好揸車。自己如果預咗會飲酒，都係會坐人車或者Call車。」張振朗都認為最緊要人無事，他跟浩信均表示暫不會以訊息慰問，王浩信說：「見到面再關心佢。（有否覺得他不珍惜公司給予機會？）呢啲嘢唔輪到我哋去講，我哋演員都係做番自己本分。」此外，高海寧表示不知道事件的來龍去脈，因此同樣不會多作評論。提到樂易玲指楊明當時可能因壓力過大、疲勞或其他狀況，問到可有聽過他身體不適？高Ling說：「工作以外，我同佢好少私底下聯絡。」

此外，劇集《反黑路人甲》緊接《殺手》播出，王浩信跟張振朗提到於監製的操控下，他們的曖昧關係再度昇華，笑指是挑戰觀眾底線。提到浩信劇中有七美相伴，他笑說：「套劇好有趣，女士們嘅感情線我係被動嘅，主要感情線係同振朗。」問到張振朗可會禁止女友收睇，以免對他的取向有懷疑？他笑說：「又未必嘅，可能佢會鼓勵我呢！」

一連三劇的高海寧透露《反》劇內的角色跟前兩套劇性格大不同，初時可能會令人有點討厭，但其實角色心地善良之餘，跳脫又可愛。此外，馮盈盈首次拍喜劇才發現，原來拍喜劇比正劇更加困難，多得兩位前輩王浩信及張振朗的信任及幫助，因此拍攝時有很多有趣的火花產生。