柏豪聲演大隻佬自認好適合

（星島日報報道）周柏豪在3D動畫《西遊》中聲演「唐三藏」，與「孫悟空」張繼聰及林盛斌、蔡瀚億等合作，柏豪笑說：「有諗如果一齊配就好啦，但技術上做唔到，依家行內好多工作都暫緩或者有啲取消咗，都真係好掛住啲老友，阿Bob、阿聰，網上有傾偈，WhatsApp互相問候，但見面真係好少，緣慳一面，希望疫情過後或者再見面一齊傾吓湊囡經。」

柏豪笑指今次配音的角色靚仔又大隻，他與阿聰健身上癮，笑言很適合角色：「係每個角色都畫得好有型，同埋我同阿聰都係健身，我哋都會對呢個動漫嘅身型有留意，角色啲腹肌操得幾靚，孫悟空個手臂操到幾靚呀，所以阿聰做孫悟空一流，因為大家都知阿聰大隻！」