溫碧霞勤運動保持24吋纖腰

(星島日報報道)逆齡女神溫碧霞（Irene）除了青春不老，身材方面亦維持住最佳狀態，肚腩位零肥膏號稱24吋纖腰，令男女同樣羨慕。Irene每天都好勤力做瑜伽及踩單車，即使工作再忙都會提早起牀做一小時運動。因應新冠肺炎疫情，Irene遵照限聚令留家抗疫，令她更專注於做運動，每日在家中加倍操練兩小時瑜伽、踩單車及跳繩。

不少人形容Irene天生麗質，她坦言自己亦是易肥一族，因此花費不少努力及汗水Keep fit，勤練瑜伽七式，她說：「之前去巴黎不停咁食，肥咗3磅返港變到105磅，條腰即刻粗咗1吋，最近好勤力做運動才返回102磅，回到之前的24吋腰，其實我唔係天生瘦，我都好容易肥，全靠每日我好努力做瑜伽、踩單車及跳繩，亦不會飲甜嘢，每日飲好多熱檸檬水，只要有恆心，每日瞓少一個鐘用來做運動，大家都可以有24吋腰。」除了留家抗疫外，Irene亦趁周末唞唞氣，一家三口出動遊船河出海游泳及曬太陽，避免前往人多地方，增強扺抗力對抗疫情。