甘比同「老友記」The One齊撐枱腳

(星島日報報道)富商「大劉」劉鑾雄的太太「甘比」陳凱韻，一向熱心做義工，昨天她在社交媒體分享，帶咗一班長者去尖沙嘴The One食飯，仲有成150人之多。

甘比在社交媒體貼相，與一眾長者在酒樓開飯，事緣昨天她與義工團隊，聯同社區組織「惜食堂」舉辦了一次有意義的活動，一同帶領150名長者由深水埗到尖沙嘴食午飯。

要招呼咁多位「老友記」，自然要出動埋旅遊巴先搞得掂。

食午飯看似簡單，但對於一些基層長者來說，跨區吃午飯其實不是常有的事情，長者都相當開心。甘比又話，希望以後能多點帶「老友記」去街，見面、吃飯、傾偈，好有意義。

今次協助開飯活動的惜食堂，致力向本地飲食界回收仍可食用的剩餘食物，通過嚴格安檢程序，煮成熱飯餐免費派發給有需要的人士，不但基層人士受惠，還可以避免浪費食物。