謝票巧遇 王梓軒羅仲謙互相打氣

(星島日報報道)王梓軒為宣傳其有份配音的動畫電影，日前與其中一位角色到九龍灣出席宣傳活動，即場教小朋友跳舞及玩遊戲，場面熱鬧。與小朋友打成一片的王梓軒表示：「之前都試過與兒童慈善機構合作，但在遊樂場一齊玩就係第一次！玩完波波池又玩爭凳仔，好興奮！今日除咗小朋友，大朋友都有一齊玩。」

問會否怕小朋友難搞？王梓軒說：「少少啦，其實他們每一位都好乖，我到現在都仲有玩波波池！見到第一次接觸這類遊戲的朋友仔，我覺得好好笑，因為他們沒有概念，係感受到他們好純真的快樂。我玩爭凳仔好叻，因為我通常都會注意播音樂的人，見他差不多動手我就搵定位！」之後王梓軒轉到銅鑼灣戲院謝票時，撞見正準備為《小Q》謝票的羅仲謙，兩位識英雄重英雄，更為對方打氣！